មកដល់ខេត្តក្រចេះភ្លាមទេសចរពិតជានឹកឃើញដល់ទេសភាពដ៏ស្រស់ត្រកាលនៃធនធានធម្មជាតិដ៏មានសក្ដានុពលសំបូរបែបរួមមាន÷ សត្វផ្សោតទន្លេមេគង្គដ៏កម្រ ព្រៃលិចទឹក ក៏ដូចជាកោះតូចធំនានានៅផ្នែកខាងលើ( ក្នុងភូមិសាស្ត្រស្រុកសំបូរ ) អមដោយភាពចំណាស់ដែនដីអតីតរាជធានីសម្ភុបុរៈ និងសំណង់សម័យអាណានិគមបារាំងថែមទៀតផង។
ក្នុងនោះដែរម្ហូបអាហារដ៏មានឱជារសឆ្ងុយឆ្ងាញ់និងពេញនិយមសម្រាប់ភ្ញៀវទេសចរប្រចាំខេត្តក្រចេះមានដូចជា÷ ក្រឡាន ណែមសាច់ត្រីស្លាត ក្រូចថ្លុងកោះទ្រង់ជាដើម។
ដោយមានភាពអំណោយផលបែបនេះហើយ មន្ទីរទេសចរណ៍ខេត្តបាន និងកំពុងរៀបចំបង្កើតឲ្យមានមុខម្ហូបពិសេសៗប្រចាំខេត្តដើម្បីបង្កើនភាពទាក់ទាញ ដោយសហការជាមួយរដ្ឋបាលខេត្តរៀបចំឲ្យមានវិថីម្ហូបអាហារ។